फेसबुकले तेस्रो चौमासिकमा ९ बिलियन डलर कमायो

काठमाडौं । विभिन्न साइबर आक्रमणहरूका बाबजुद चर्चित सामाजिक सञ्जाल फेसबुकले यो वर्षको तेस्रो चौमासिकमा ९ बिलियन अमेरिकी डलर कमाएको छ । अमेरिका बेस्ड कम्पनी फेसबुकले सेप्टेम्बरसम्म तेस्रो चौमासिकमा ९ बिलियन अर्थात् ९ अर्ब डलर आम्दानी गरेको जानकारी दिएको छ ।

एप्पलको आइओएस अपरेटिङ सिस्टममा देखिएको प्राइभेसी अपडेटको समस्याका कारण फेसबुकको विशेष प्रयोगकर्ता लक्षित विज्ञापन प्रभावकारी भएको थिएन । फेसबुकका पूर्व कर्मचारीको अनैतिक कार्यका कारण त्यो समस्या आएको कम्पनीले दाबी गरेको थियो ।

यद्यपि, गोप्य सूचना चुहावट, प्राइभेसीलगायतका विभिन्न समस्याका बाबजुद पनि फेसबुकले राम्रो आम्दानी गरेको छ । फेसबुकका फ्रान्सेस हाउगेनले सञ्चारमाध्यमलाई उपलब्ध गराएको डकुमेन्टमा कम्पनीले सेप्टेम्बरसम्ममा ९ बिलियन डलर कमाएको उल्लेख छ ।