कोरोना संक्रमण भएपछि कांग्रेस प्रवक्ता शर्मा होम आइसोलेसनमा

काठमाडौं । नेपाली कांग्रेसका प्रवक्ता विश्वप्रकाश शर्मालाई कोरोना संक्रमण भएको छ ।

शर्माले सामाजिक सन्जालमार्फत संक्रमित भएको र डेरामा आइसोलेसनमा बसेको जानकारी दिएका छन् । अस्वस्थ महशुस गरी आइतबार स्टार अस्पतालमा परीक्षण गरिएकोमा आज विहान पोजेटिभ रिपोर्ट आएको हो ।

टेकु अस्पतालका चिकित्सक अनुप बास्तोलाको निर्देशनअनुसार औषधि सेवन सुरु गरेको उनले जानकारी दिएका छन् । उनले ट्वीटमा भनेका छन्, ‘लक्ष्यणले च्यापेको छ तर मनोवल उच्च छ । सबैजना सजग बनौं ।’