गठबन्धन र सरकारमा नजाने जनमतको निर्णय, इलाम २ र बझाङ १ (१) मा उम्मेदवारी दिने
नेपाल प्रेस
२०८० फागुन २९ गते १३:०९
जनकपुरधाम । डा. सीके राउत नेतृत्वको जनमत पार्टीले नयाँ गठबन्धनमा सहभागी नहुने र सरकारलाई समर्थन नदिने निर्णय गरेको छ ।
पार्टीको केन्द्रीय सचिवालय मध्य बानेश्वरमा बसेको बैठकले सो निर्णय गरेको जनमतका प्रवक्ता डा. शरद सिंहले जानकारी दिए ।
इलामको प्रतिनिधिसभा निर्वाचन क्षेत्र नं. २ र बझाङको प्रदेशसभा निर्वाचन क्षेत्र नं १ (१) मा उम्मेदवार उठाउने पनि जनमतले निर्णय गरेको छ ।
यस्तै सप्तरीमा २०८० माघ ८ गते भएको घटनाको छानबिन गर्न बनेको समितिले दिएको प्रतिवेदनउपर छलफल गरी निर्देशित प्रक्रिया अगाडि बढाउने निर्णय पनि गरिएको विज्ञप्तिमा उल्लेख छ ।
नेपाल प्रेस
प्रकाशित: २०८० फागुन २९ गते १३:०९
प्रतिक्रिया
सम्बन्धित खवर
