बझाङ अपडेट : एमालेकै लिडिङ, दोस्रोमा उक्लियो कांग्रेस
नेपाल प्रेस
२०८१ वैशाख १६ गते १९:५७
कैलाली । प्रदेश सभाको बझाङ–१ (१) को मतगणनामा एमालेको अग्रता कायमै रहेको छ भने नेपाली कांग्रेस दोस्रो स्थानमा उक्लिएको छ ।
छबिसपाथिभेरा गाउँपालिकाको सबै वडाको मतगणना सकेर अहिले थलरा गाउँपालिका एउटा वडा र खप्तड छान्ना गाउँपालिकाको तीन वटा वडाको मतगणना सकिएको छ ।
जारी मतगणनामा नेकपा एमालेले आफ्नो अग्रता कायम राखेको छ ।
एमालेका दमनबहादुर भण्डारीले २ हजार ६३८ मतसहित अग्रता बनाइरहेका छन् । दोस्रो स्थानमा माओवादी केन्द्र फेरि तेस्रो स्थानमा झरेको छ । माओवादीका उम्मेदवार जनकबहादुर बुढाको १ हजार ७१७ मत रहेको छ भने नेपाली कांग्रेसका अभिषेक बहादुर सिंहको २ हजार २४ मत रहेको छ । एकीकृत समाजवादीका दिलबहादुर सिंहले ९६२ मत ल्याएका छन् ।
नेपाल प्रेस
प्रकाशित: २०८१ वैशाख १६ गते १९:५७
प्रतिक्रिया
सम्बन्धित खवर
