‘डाँडाको बरपीपल’ र ‘धन्दागिरी’ले दिए चलचित्र संघमा रिलिजको निवेदन – Nepal Press

‘डाँडाको बरपीपल’ र ‘धन्दागिरी’ले दिए चलचित्र संघमा रिलिजको निवेदन

असोज २१ गते फिल्म लाइनअप घोषणा हुने

काठमाडौं । घटस्थापना रिलिजको माग गर्दै ‘डाँडाको बरपिपल’ र ‘धन्दागिरी’ फिल्मले आज चलचित्र संघमा निवेदन दिएका छन् । संघ अन्तर्गत गठित चलचित्र प्रदर्शन व्यवसायिक समितिका संयोजक अशोक शर्माले ती दुई फिल्मबाट मंगलबार निवेदन प्राप्त भएको बताए ।

आगामी तीन महीनासम्म रिलिज गर्ने फिल्मले संघद्वारा गठित समितिमा निवेदन दिनुपर्ने नियम ल्याइएको छ । समितिले आफूसँग दर्ता हुन आएका फिल्मलाई समेटेर आगामी २१ गते लाइनअप घोषणा गर्ने तयारी गरेको छ । समितिले २० गतेभित्र रिलिज डेटसहितको निवेदन मागिएको छ ।

अन्य फिल्महरुले पनि निवेदन लिएर आउने तयारी गरेको संयोजक शर्माले नेपाल प्रेसलाई जानकारी दिए । कोरोनाले थलिएको चलचित्र क्षेत्रलाई चलायमान बनाउन विदेशी र नेपाली फिल्म एकै मितिमा प्रदर्शन हुन नपाउने र सेयर बाँडफाँटसहितका योजनाहरु समेत ल्याएको छ ।

असोज २१ गतेदेखि विदेशी फिल्महरु रिलिज सुरु हुनेछन् । सो दिनमा हलिउड फिल्म ‘फास्ट एन्ड फ्युरियस ९’ र ‘नोबडी’ रिलिज हुनेछन् । असोज २६ गते रिलिज हुने फिल्मको औपचारिक घोषणा २१ गते सार्वजनिक गरिने भएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर