महिला सैनिकलाई हिलमा परेड खेलाइएकोमा युक्रेनी संसदमा विरोध – Nepal Press

महिला सैनिकलाई हिलमा परेड खेलाइएकोमा युक्रेनी संसदमा विरोध

इटहरी । आसन्न स्वतन्त्रता दिवसको लागि खेलिने परेडको तयारीको क्रममा महिला सैनिकलाई हिलमा परेड खेलाइएपछि युक्रेनमा सर्वत्र आलोचना भएको छ ।

तत्कालीन सोभियत संघबाट ३० वर्ष अगाडि स्वतन्त्र भएको युक्रेनको स्वतन्त्रता दिवस २४ अगस्टमा पर्छ । सोहि दिवस लक्षित गरेर महिला सैनिकलाइ हिलमा परेड खेल्न अभ्यास गरेको तस्बिर सार्वजनिक भएपछि विरोध भएको हो । युक्रेनको रक्षा मन्त्रालयको संचार सेवाले असार १८ (जुलाई २) मा तस्बिर र भिडियो सार्वजनिक गरेको थियो ।

भिडियोमा बोलेकी महिला सैनिक इभाना भेद्भिदले भनेकि थिइन,‘आज पहिलोपटक हिलमा तालिम भयो । यो आर्मी बुट्सभन्दा अलिक गाह्रो छ तर हामी प्रयास गरिरहेका छौँ ।’

हिल लाएर महिलालाई परेड खेलाउनु महिलाविरोधी हर्कत भएको भन्दै चौतर्फी विरोध भइरहेको छ । युक्रेनका महिला सांसदहरूले रोस्टममै हिल ल्याएर कडा विरोध गरेको बेलायती अखबार दि गार्जियनले लेखेको छ । उनीहरूले रक्षामन्त्रीलाई हिल लाएर परेड खेल देखाउन चुनौती समेत दिए ।

गार्जियनका अनुसार युक्रेनी प्रतिनिधिसभाकी उपसभामुख ओलिना कोन्ड्रायुकले महिलालाई अपमान हुने काम गरको भन्दै सरकारी अधिकारीलाई माफी माग्न आग्रह गरेकी छन् । बीबीसीका अनुसार धेरै युक्रेनीहरूले भने रक्षामन्त्री एन्द्री तरानलाइ माफी माग्न दबाब दिइरहेका छन् ।

साढे दुई लाखबढी युक्रेनी सेनामा हाल ३१ हजार महिला सैनिक कार्यरत छन् । जसमा ४ हजारभन्दा बढी अधिकृत स्तरका छन् । जसमा साढे १३ हजार बढी महिला सैनिकले युक्रेनको रुससँग जोडिएको पूर्वी सीमाका पृथकतावादीसँग युद्ध लडेको उपसभामुख ओलिना कोन्ड्रायुकले बताएकी छन् । सन २०१४ बाट सुरू भएको प्रिथकतावादीसँगको युद्धमा १३ हजारबढीको ज्यान गइसकेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर