जातीय छुवाछुतका घटनाबारे दलित आयोग र महान्यायधिवक्ताबीच छलफल

काठमाडौं । रास्ट्रिय दलित आयोगका पदाधिकारी र महान्यायधिवक्ता विच रुपा सुनारलगायत अन्यमाथी भएका जातीय छुवाछुतका जातीय छुवाछुतका घटनाका विषयमा छलफल भएको छ। आयोगका अध्यक्ष देवराज बिश्वकर्मा, सदस्य सुन्दर पुर्कुटी र महान्यायाधिवक्ता रमेश बडालविच मंगलबार मुलुकभका भइरहेका जातीय छुवाछुतका घटनाको विषयमा छलफल भएको हो ।

आयोगले रुपा सुनारलगायत अहिले देशमा भइरहेका जातीय छुवाछुतका घट्नालाई संमेदनशिल भएर सत्य तथ्यसहित जातिय विभेद तथा अन्य सामाजिक भेदभाव कसुर सजाय ऐन २०६८ अन्तरगत अगाडि बढाउनका लागि महान्यायाधिवक्तालाई आग्रह गरेको आयोगका अध्यक्ष देवराज विश्वकर्माले नेपाल प्रेससँग बताए । उनका अनुसार महान्यायाधिवक्ता बडालले जातीय छुवाछुत गर्नेलाई कानुनले ब्यवस्था गरे बमोजिम कारवाही प्रक्रिया अगाडि बढाउने बताएका छन् ।

भेटमा आयोगको टोलीले २०७३ शालमा अन्तरजातीय विवाह गरेको आरोपमा धादिङमा हत्या गरिएका अजित मिजारको विषयमा पनि ध्यानाकर्षण गराएको आयोगका सदस्य सुन्दर पुर्कुटीले नेपाल प्रेसलाई जानकारी दिए । उनका अनुसार मिजारको शव अझै त्रिवी शिक्षण अस्पतालमा रहेको जानकारी गराउदै आयोगले हत्यामा संलग्न व्यक्ति छुटिसकेको अवस्थामा पनि मृतकका परिवारले अझै न्याय नपाएकोतर्फ गम्भीर बन्न महान्याधिवक्तालाई आग्रह गरेको छ ।

उक्त मुद्दामा आफुले अध्ययन गरेपछि आवश्यक प्रक्रिया अगाडी बढाउने जानकारी दिदै महान्याधिवक्ता बडालले सुझाव र जानकारीका लागि धन्यवाद समेत दिएका छन् ।