बाढीपीडितलाई चेम्बरको राहत

काठमाडौं । नेपाल चेम्बर अफ कमर्सले बाढीपीडितलाई राहात वितरण गरेको छ । बाढीका कारण प्रभावित सिन्धुपाल्चोकको मेलम्ची, हेलम्बु र मनाङका बाढीपीडितलाई राहत प्रदान गरिएको चेम्बरका अध्यक्ष राजेन्द्र मल्लले जानकारी दिए ।

पीडितहरुलाई त्रिपाल, चामल नुन, चिउरा, मस्यौरा तथा दाल उपलब्ध गराएको हो। राहत सामग्री मनाङका लागि काठमाण्डौस्थित मनाङ समाज सेवा समितिका कोषाध्यक्ष चुयुङ गुरुङ र हेलम्बु तथा मेलम्चीका लागि सिन्धुपाल्चोक चेम्बर अफ कमर्सका अध्यक्ष भक्तलाल श्रेष्ठलाई हस्तान्तरण गरिएको मल्लले बताए ।

राहत वितरणमा चेम्बरका वरिष्ठ उपाध्यक्ष कमलेशकुमार अग्रवाल, उपाध्यक्षद्वय दीपककुमार मल्होत्रा तथा सुरेन्द्रकुमार श्रेष्ठको उपस्थिति थियो ।