युरो २०२०: चेक गणतन्त्रको जितमा प्याट्रिक शिकको २ गोल – Nepal Press

युरो २०२०: चेक गणतन्त्रको जितमा प्याट्रिक शिकको २ गोल

काठमाडौं । प्याट्रिक शिकको दुई गोलप्रेरित चेक गणतन्त्रले युरो २०२० को समूह ‘डी’ अन्तर्गत सोमबार भएको खेलमा स्कटल्यान्डलाई २-० को नतिजामा पराजित गरेको छ ।

स्कटल्यान्डको घरेलु मैदानमा भएको खेलको पहिलो हाफ सकिन तीन मिनेट बाँकी रहँदा शिकले गोल गर्दै भ्रमणकारी चेक टोलीलाई अग्रता दिलाएका थिए ।

प्रतिस्पर्धात्मक खेलको ५२औं मिनेटमा स्कटल्यान्डले अट्याक गरिरहेको थियो । तर, सोही समयमा चेक खेलाडीले क्लियर गरेको बलमा शिकले मैदानको बीचभागबाट गरेको प्रहारले सोझै जाली चुमेको थियो ।

सोही गोलमार्फत खेलमा अग्रता लिएको चेक टोलीले सहज बचाउ गर्दै प्रतियोगिताको सुखद् सुरुआत गर्‍यो ।

जितसँगै प्रतियोगिताको सुरुआत गरेको चेक टीमले आफ्नो अर्को खेलमा शुक्रबार क्रोएसियासँग खेल्ने छ । त्यस्तै स्कटल्यान्डले आइतबार इङ्ल्यान्डसँग खेल्ने छ ।

प्रतिक्रिया

Leave a Reply

Your email address will not be published. Required fields are marked *