शनिबार थप पाँच हजारमा भाइरस संक्रमण, ६८ जनाको मृत्यु

परीक्षण गरिएका ३० प्रतिशतमा संक्रमण पुष्टि

काठमाडौं । पछिल्लो २४ घण्टामा नेपालमा ५,०४२ जना कोभिडका बिरामी थपिएका छन् । स्वास्थ्य तथा जनसंख्या मन्त्रालयका अनुसार १६ हजार ८१४ नमुना पीसीआर र एन्टीजेन परीक्षण गर्दा ती संक्रमित थपिएका हुन् ।

एकैदिनमा ६८ जनाको मृत्यु भएको छ । कूल मृतक संख्या ७,७९९ पुगेको छ । मृत्यु हुने दर १.६ प्रतिशत पुगेको छ ।

पछिल्लो २४ घण्टामा ८,२४३ जना निको भएका छन् । निको हुने दर ८२ं.८ प्रतिशत छ । सक्रिय संक्रमित १५.८८ प्रतिशत छन् ।

राजधानीका ७२३ जनासहित भक्तपुरका ७३ जना र ललितपुरका १४१ जना गरी काठमाण्डू उपत्यकामा थप ९३७ जना सङ्क्रमित थपिएका छन्। दुई सयभन्दा बढी सङ्क्रमित थपिएका जिल्लाहरूमा झापा (२४५ जना) र मोरङ (२६८ जना) रहेको छ।

नेपालका ७७ मध्ये ४६ जिल्लामा अहिले ५०० भन्दा धेरै सक्रिय सङ्क्रमित रहेका छन् भने थप १४ जिल्लामा २०० भन्दा बढी सक्रिय सङ्क्रमित रहेका छन्। कुल ८६,२६८ सक्रिय सङ्क्रमितमध्ये ६,६६० जना संस्थागत आइसोलेशनमा छन्। तीमध्ये १,४५१ आईसीयूमा र ३८४ जना भेन्टिलेटरमा रहेका छन्।

प्रतिक्रिया

Leave a Reply

Your email address will not be published. Required fields are marked *