विवेकशील पार्टीका संस्थापक उज्ज्वल थापा रहेनन्

काठमाडौं । विवेकशील पार्टीका संस्थापक अध्यक्ष उज्ज्वल पाको निधन भएको छ ।

साझा विवेकशील पार्टीका अध्यक्ष मिलन पाण्डेले आज अपरान्ह ४ः२५ बजे उपचारका क्रममा थापाको निधन भएको जानकारी दिएका छन् ।

कोरोना संक्रमित थापाको मेडिसिटी अस्पतालमा उपचार भइरहेको थियो । भेन्टिलेटरमा राखेर इक्मो प्रविधिबाट उपचार भइरहे पनि स्वास्थ्यमा सुधार आउन सकेको थिएन । थापा ४४ वर्षका थिए । दुई साताअघि कोरोना संक्रमित बनेका थापाको यसअघि ग्राण्डी अस्पतालमा उपचार भएको थियो ।
तर, भेन्टिलेटरमा राख्दा पनि अक्सिजन लिन कठिनाइ भएपछि इक्मो प्रविधिका लागि मेडिसिटीमा सारिएको थियो । सोमबार गरिएको पीसीआर परिक्षणमा नेगेटिभ रिपोर्ट आए पनि थापाको स्वास्थ्य सुधार हुन सकेन ।
उनको छातिमा संक्रमण अत्यधिक फैलिएको थियो । थापाकोे स्वास्थ्यलाभका लागि सिंगै देशले प्रार्थना गरेको थियो । जनताले स्वतस्र्फुतरुपमा आर्थिक सहयोग पनि गरेका थिए । तर, धेरै युवाहरुका प्रिय नेतालाई कोरोनाले चुँडेको छ ।
थापाले नेपालमा वैकल्पिक राजनीतिको उद्देश्य राखेर विवेकशील नेपाली दल स्थापना गरेका थिए । पछिल्लोसमय उनले मिलन पाण्डेलाई नेतृत्व हस्तान्तरण गरेका थिए । अहिले विवेकशील र साझा पार्टी एकीकरण भएर साझा विवेकशील पार्टी बनेको छ ।

 

प्रतिक्रिया

Leave a Reply

Your email address will not be published. Required fields are marked *