इन्जिनियर एशोसियनको चुनावमा एमाले-जसपा गठबन्धन

काठमाडौं । सत्ता समीकरणमा जनता समाजवादी पार्टी कांग्रेस माओवादी गठबन्धनमा जाने कि एमालेसँग मिल्ने भन्ने तानातान भइरहेका बेला एमाले र जसपाका इन्जिनियरहरु आगामी वैशाखमा हुने चुनावमा गठबन्धन बनाउन सहमत भएका छन् ।

एमालेका जनसंगठन प्रोग्रेसिभ इन्जिनियरिङ एशोसियसन र जसपा समर्थित राष्ट्रिय इन्जिनियर संघबीच इन्जियिनरर्स एशोसियसनको चुनावमा संयुक्त प्यानल बनाउने सहमति भएको हो ।

आइतबार एमाले समर्थित पिनका अध्यक्ष शम्भु बहादुर श्रेष्ठ र जसपा समर्थित संघका अध्यक्ष भगवान झाले संयुक्त विज्ञप्ति जारी गर्दै केन्द्र तथा प्रदेशहरुमा संयुक्त रुपमा चुनावी तयारी गर्ने जनाएका छन् ।

नेपाल इन्जिनियर्स एशोसियसनको ३३ औं केन्द्रीय कार्यकारिणी समिति तथा दोस्रो प्रदेृश कार्यकारिणी समितिको चुनाव वैशाख २४ मा हुँदैछ ।