गोल्डेन ग्लोब्समा ‘नोमल्यान्ड’को दबदबा, सर्वोत्कृष्ट फिल्म र निर्देशकको अवार्ड जित्यो – Nepal Press

गोल्डेन ग्लोब्समा ‘नोमल्यान्ड’को दबदबा, सर्वोत्कृष्ट फिल्म र निर्देशकको अवार्ड जित्यो

काठमाडौं- हलिउडमा अवार्ड सिजन सुरु भएको छ । सुरुआत चाहिँ सोमबार बिहान गोल्डेन ग्लोब्सदेखि थालनी भयो ।

७८ औं संस्करणमा सर्चलाइट स्टुडियोको ‘नोमल्यान्ड’ले सर्वोत्कृष्ट मोसन पिक्चर ड्रामा र चोल झाओले यही फिल्मबाट सर्वोत्कृष्ट निर्देशकको रुपमा जित हात पारे ।

जितसँगै निर्देशक झाओ गोल्डेन ग्लोब्सको इतिहासमा सर्वोत्कृष्ट निर्देशकको उपाधि जित्ने दोस्रो महिला बनेकी छिन् । साथै, निर्माताको रुपमा टाइटल जित्ने पहिलो एसियाली महिला बनेकी छिन् ।

सर्चलाइटको ‘नोमल्यान्ड’ले गोल्डेन ग्लोब्स जितेसँगै आगामी अस्करको संस्करणमा पनि बाजी मार्ने अपेक्षा छ । निर्देशक, लेखक, निर्मात्री र सम्पादकको रुपमा एकै सिजनमा अवार्ड जित्ने व्यक्ति पनि बनेकी छिन् उनी ।

नोमल्यान्डले अमेरिकी सपना पछ्याउँदै बाँच्न संघर्ष गरिरहेको आधुनिक मान्छेको जीवन यात्राको कथा भन्छ । हलिउड संचारमाध्यमले यसवर्षको अवार्डमा नोमल्यान्डको दबदबा हुने विश्वास गरेका छन् ।

अवार्ड उचाल्दै निर्देशक झाओले आफ्ना लागि ‘नोमल्यान्ड’ दुःख र राहतको एउटा तीर्थयात्रा भएको बताइन् । ‘जीवनको कुनै बिन्दुमा यो महसुसबाट अघि बढेकाहरुको लागि अवार्ड समर्पित छ’ उनले भनिन् ।’

नेटफिल्क्सको ‘द क्राउन’ले सर्वाधिक चार अवार्ड जित्यो । सर्वोत्कृष्ट अभिनेत्रीको अवार्ड चाहिँ ‘द युनाइटेड स्टेट्स भर्सेस बिल्ली होलिडे’बाट एन्ड्रा डेले जितिन् । म्युजिकल कमेडीतर्फ उत्कृष्ट अभिनेताको ट्रफी ‘बोरट सब्सिक्वेन्ट मूभिफिल्म’बाट साचा बारेन कोहेनले जिते ।

म्युजिकल कमेडी विधातर्फको उत्कृष्ट फिल्मको अवार्ड चाहिँ बोरट सब्सिक्वेन्ट मूभिफिल्म’ले जित्यो । मोसन पिक्चरतर्फको उत्कृष्ट अभिनेताको अवार्ड चाहिँ ‘म राइनिज ब्ल्याक बटम’बाट चाडवीक बोसम्यानले जिते ।

उत्कृष्ट विदेशी भाषी फिल्मको अवार्ड चाहिँ अमेरिकी सपना पछ्याउँदै अमेरिकी सहर अर्कान्सस बसाइ सर्ने एक कोरियाली–अमेरिकी परिवारको कथा भन्ने फिल्म ‘मीनारी’ले जितेको छ ।

यसपटक भर्चुअलरुपमा गोल्डेन ग्लोब्स आयोजना गरिएको थियो । हेर्नूस विजयी विधाको पूर्णसूचि :

प्रतिक्रिया

Leave a Reply

Your email address will not be published. Required fields are marked *

सम्बन्धित खवर