कञ्चनपुरमा सशस्त्र प्रहरीमाथि आक्रमण गर्ने भारतीय नाइके पक्राउ
नेपाल प्रेस
२०७८ असोज ५ गते १४:४७
कैलाली । कञ्चनपुरमा सशस्त्र प्रहरीमाथि आक्रमण गर्नेमध्येका एकजना भारतीयलाई भारतीय प्रहरीले पक्राउ गरेको छ ।
सोमबार राति नेपाल–भारत सीमास्थित दोधारा–चाँदनी नगरपालिका–८ को भारतीय तस्करले सशस्त्र प्रहरीमाथि कुटपिट गरेका थिए ।
सशस्त्र प्रहरीमाथि आक्रमण गर्नेमध्येका नाइके अर्जुन कुमारलाई भारतीय प्रहरीले पक्राउ गरेको जिल्ला प्रशासन कार्यालय कञ्चनपुरले जानकारी दिएको छ ।
‘भारतीय प्रहरीले पक्राउ गरेर कारबाही प्रक्रिया अघि बढाएको छ’, कञ्चनपुरका प्रमुख जिल्ला अधिकारी रामप्रसाद पाण्डेले भने ।
तस्करी नियन्त्रण गर्ने क्रममा कुमारसहितका भारतीय तस्करले सशस्त्र प्रहरीमाथि आक्रमण गरेका थिए । आक्रमणमा परी ३ सशस्त्र प्रहरी घाइते भएका थिए ।
नेपाल प्रेस
प्रकाशित: २०७८ असोज ५ गते १४:४७
प्रतिक्रिया
सम्बन्धित खवर
