शहीद स्मारक ‘ए’ डिभिजन लिग सर्यो, पुरस्कार राशीमा पनि वृद्धि
नेपाल प्रेस
२०७८ साउन १७ गते १८:१८
फाइल तस्बिर ।
काठमाडौं । शहीद स्मारका ‘ए’ डिभिजन लिगको मिति सारिएको छ ।
यसअघि असोज ३ बाट तय गरिएको लिग सञ्चालनको नयाँ मिति कात्तिक २९ गतेबाट निर्धारण गरिएको छ । र, लिग विजेताको पुरस्कार राशी पनि बढाइएको छ ।
अखिल नेपाल फुटबल संघ (एन्फा) र ‘ए’डिभिजन क्लबहरूबीच सातदोबाटोस्थित एन्फा कम्प्लेक्समा आइतबार भएको बैठकले उक्त निर्णय गरेको हो । अक्टोबरको पहिलो सातादेखि साफ च्याम्पियनसिप आयोजना हुने भएकाले, लिग सारिएको एन्फाले जनाएको छ ।
यसपटक लिग च्याम्पियनको पुरस्कार ५० लाखबाट बढाएर ७५ लाख बनाएको एन्फाले जनाएको छ । लिगमा दोस्रो र तेस्रोले क्रमश: ५० र २५ लाख नगद प्राप्त गर्नेछन् । सहभागी सबै क्लबहरूलाई तयारि भत्तावापत २० लाख प्रदान गरिने बताइएको छ ।
एन्फाका अनुसार लिगका लागि खेलाडी दर्ता प्रक्रिया शुरू भइसकेको छ ।
नेपाल प्रेस
प्रकाशित: २०७८ साउन १७ गते १८:१८
प्रतिक्रिया
सम्बन्धित खवर
