शंकर पोखरेलको तर्क- देउवाले गृहमन्त्री रोज्नु चुनावलक्षित रणनीति – Nepal Press

शंकर पोखरेलको तर्क- देउवाले गृहमन्त्री रोज्नु चुनावलक्षित रणनीति

काठमाडौं । लुम्बिनी प्रदेशका मुख्यमन्त्री एवम् नेकपा(एमाले)का नेता शंकर पोखरेलले नवनियुक्त प्रधानमन्त्री शेरबहादुर देउवाले अर्थ मन्त्रालयको सट्टा गृह रोज्नु चुनावलक्षिण रणनीतिको संकेत भएको दावी गरेका छन् ।

‘नवनियुक्त प्रधानमन्त्रीले अर्थमन्त्रीको तुलनामा गृहमन्त्रीमा जोडदिनुको अन्तर्य अव चुनाव प्राथमिकता बन्यो भन्ने सन्देश दिनु हो,’ पोखरेलले सामाजिक संजालमा लेखेका छन्।

हिजो मात्रै प्रधानमन्त्री नियुक्त भएर सपथ लिएका देउवाले शुरुमा नेपाली कांग्रेस र माओवादी केन्द्रसहितको सानो मन्त्रीमण्डल बनाएका छन् । जसमा गृह र कानून मन्त्रालय कांग्रेसले लिएको छ भने अर्थ र उर्जा माओवादीले लिएको छ।

कांग्रेस नेता बालकृष्ण खाँड गृहमन्त्री भएका भएका छन् । अर्थमन्त्री माओवादी केन्द्रका नेता जनार्दन शर्मा बनेका छन्। त्यस्तै कांग्रेसकै ज्ञानेन्द्रबहादुर कार्की कानून, न्याय तथा संसदीय मामिला मन्त्री बनेका छन् भने माओवादीबाट पम्फा भुसाल उर्जा तथा जलस्रोत मन्त्री बनेकी छिन्।

प्रतिक्रिया

Leave a Reply

Your email address will not be published.

सम्बन्धित खवर