निषेधाज्ञा अवधिभर कर नतिरे पनि जरिवाना नलिनू : सर्वोच्च – Nepal Press

निषेधाज्ञा अवधिभर कर नतिरे पनि जरिवाना नलिनू : सर्वोच्च

‘लकडाउन’ हटेपछि पनि ३० दिनको समय दिन आदेश

काठमाडौं । सर्वोच्च अदालतले निषेधाज्ञा वा बन्दाबन्दी लागू भएको समयावधिसम्म मूल्य अभिवृद्धि कर विवरण र कर दाखिला नगरेमा जरिवाना नलगाउन आदेश दिएको छ।

अधिवक्ता सृजना अधिकारीको रिटमाथि बुधबार सुनुवाइ गर्दै न्यायाधीश मीरा खडकाको एकल इजलासले ‘लकडाउन’ खुलेको ३० दिनभित्र कर बुझाउन सकिने भन्दै त्यतिबेलासम्म कुनै कारवाही नगर्न सरकारलाई अन्तरिम आदेश दिएको छ ।

‘निषेधाज्ञा वा बन्दाबन्दी लागू भएको समयावधिसम्म मूल्य अभिवृद्धि कर विवरण र कर दाखिला नगरेमा जरिवाना असुल नगर्नू, नगराउनू,’ आदेशमा भनिएको छ, ‘ बन्दाबन्दी पूर्णरूपमा खुलेपछि बाटोको म्यादबाहेक ३० दिनभित्र विवरण र कर बुझाउन सक्ने गरी आवश्यक व्यवस्था मिलाउनू ।’

आदेशमा यस सम्बन्धमा लिखित जवाफ १५ दिनभित्र पेस गर्न अर्थमन्त्रालयलाई भनिएको छ । नेपाल सरकार आन्तरिक राजश्व विभागको वेबसाइटमा कर विवरण बुझाउने सम्बन्धमा कुनै सूचना वा जानकारी उपलब्ध नगराइ जरिवाना लगाइएको भन्दै अधिकारीले सर्वोच्चमा रिट दायर गरेकी थिइन् ।

प्रतिक्रिया

One thought on “निषेधाज्ञा अवधिभर कर नतिरे पनि जरिवाना नलिनू : सर्वोच्च

  1. Kasto tori sarkar ho????? J kam ko lagi ni Sarbochha ko help chaini janata ko lagi. Janata ko sarkar ho ki, 2/4 jana mantri ko lagi matra sarkar ho yo????????????????????

Leave a Reply

Your email address will not be published. Required fields are marked *