भोजपुरमा १५ दिन निषेधाज्ञा

भोजपुर । कोभिड-१९ को जोखिम नियन्त्रणका लागि पूर्वी पहाडी जिल्ला भोजपुरमा निषेधाज्ञा जारी गरिएको छ ।

मंगलवार बसेको जिल्ला संकट व्यवस्थापन केन्द्र र सल्लाकार समितिको संयुक्त बैठकले भोलि राति १२ बजेबाट १५ दिनको लागि निषेधाज्ञा जारी गरिएको सहायक प्रमुख जिल्ला अधिकारी रामप्रसाद लुईटेलले नेपाल प्रेसलाई जानकारी दिए ।

बैठकले अत्यावश्यक सेवा दिने कार्यालयमा २५ प्रतिशत कर्मचारीबाट आलोपालो गरेर सेवा दिने निर्णय गरेको छ । बैंकहरू ११ देखि दिउँसो २ बजेसम्म संचालन गर्ने, खाद्यान्न लगायतका पसल बिहान ६ बजे देखि ९ बजेसम्म मात्र संचालन गर्न दिने निर्णय गरेको छ ।

भोजपुरको रामप्रसादराई गाउँपालिकामा उपाध्यक्षसहित १८ जनामा संक्रमण देखिएपछि स्थानीय प्रशासनले निषेधाज्ञा लागू गरेको हो ।

प्रतिक्रिया

Leave a Reply

Your email address will not be published. Required fields are marked *