कोरोना खोपको दोस्रो मात्रा आजदेखि दिइने, यी ठाउँमा लगाउन पाइन्छ खोप
नेपाल प्रेस
२०७८ वैशाख ७ गते ९:१४
काठमाडौं । सरकारले माघ र फागुन महिनामा कोरोना खोपको पहिलो मात्र लिएकाहरुलाई आजदेखि दोस्रो मात्रा दिने अभियान सुरु गरेको छ ।
पहिलो चरणमा खोपको पहिलो मात्रा लिएका फ्रन्टलाइनर कर्मचारी, स्वास्थ्यकर्मी, कुटनीतिक नियोगका कर्मचारी, पत्रकार, बैंक तथा वित्तीय संस्थाका कर्मचारीहरु र जेष्ठ नागरिकले आजदेखि खोपको दोस्रो मात्रा लिनेछन् ।
भारतले उपलब्ध गराएको कोभिशिल्ड खोप नेपाल ल्याएपछि सरकारले गएको माघ र फागुन महिनामा पटक पटक गरी तीन चरणमा खोप अभियान सन्चालन गरेको थियो । त्यसअनुसार तीनै चरणमा खोप लगाएकाहरुले एकैपल्ट दोस्रो मात्रा दिइनेछ ।
सुरुमा काठमाडौंको निजामती कर्मचारी अस्पतालबाट मात्रै पहिलो चरणको खोप दिइएकोमा अहिले उपत्यकाका १९ स्थानबाट खोप लिन मिल्ने व्यवस्था गरिएको छ ।
दोस्रो मात्रा खोप लगाउन पाइने स्थानहरु
१. चिकित्सा विज्ञान राष्ट्रिय प्रतिष्ठान, वीर अस्पताल, रत्नपार्क
२. त्रिवि शिक्षण अस्पताल, महाराजगञ्ज
३. शहीद गंगालाल हृदय रोग केन्द्र बाँसबारी
४. परोपकार प्रसुती तथा स्त्रीरोग अस्पताल, थापाथली
५. शुक्रराज ट्रपिकल तथा सरुवा रोग अस्पताल, टेकु
६. निजामती कर्मचारी अस्पताल, मिनभवन
७. ओम अस्पताल, चावहिल
८. नेपाल सशस्त्र प्रहरी अस्पताल, बलम्बु
९. नेपाल आयुर्बेद अनुसन्धान तथा तालिम केन्द्र, किर्तिपुर
१०. क्षेत्रपाटी निःशुल्क चिकित्सालय, क्षेत्रपाटी
११. वीरेन्द्र अस्पताल, छाउनी
१२. नेपाल प्रहरी अस्पताल, पानीपोखरी
१३. नेपाल मेडिकल कलेज, अत्तरखेल
१४. काठमाडौं मेडिकल कलेज, सिनामंगल
१५. जनमैत्री अस्पताल, बालाजु
१६. मदरल्याण्ड अस्पताल, जडिबुटी
१७. हिमाल अस्पताल, ज्ञानेश्वर
१८. स्तुपा अस्पताल, बौद्ध
१९. ह्याम्प अस्पताल, धुम्बाराही
नेपाल प्रेस
प्रकाशित: २०७८ वैशाख ७ गते ९:१४
प्रतिक्रिया
सम्बन्धित खवर
