मेस्सीको कीर्तिमानी खेलमा बार्सिलोनाको फराकिलो जित – Nepal Press

मेस्सीको कीर्तिमानी खेलमा बार्सिलोनाको फराकिलो जित

एजेन्सी ।  अर्जेन्टिनी सुपरस्टार लियोनल मेस्सीले बार्सिलोनाका लागि कीर्तिमानी ७ सय ६८ औं खेलमा दुई गोल गर्दा ला लिगामा रियल सोसिडाडमाथि ६–१ गोलअन्तरको फराकिलो जित हासिल गरेको छ ।

३३ वर्षीय मेस्सीले बार्सिलोनाका लागि सबैभन्दा धेरै खेलको कीर्तिमानमा जाभीलाई पछि पारेका हुन् । यो जितपछि बार्सिलोनाले शीर्ष स्थानको एट्लेटिको मड्रिडसँगको दूरी ४ अंकमा झारेको छ ।

एन्टोइन ग्रिजमनले गोलको खाता खोलेपछि डेस्टले २ तथा ओस्मान डेम्बेलेले पनि एक गोल गरे । मेस्सीले जारी सिजन २२ औ र २३ औं गोल गरेका हुन् ।

५–० ले पछि परेको स्थितिमा घरेलु टोली सोसिडाडका लागि एन्डर बार्रेनेक्साले एउटा सान्त्वना गोल फर्काउन सफल रहे ।

प्रतिक्रिया

Leave a Reply

Your email address will not be published.