१५ लाखले लगाए कोभिडविरुद्धको खोप, आपूर्ति नहुँदा खोप अभियान प्रभावित – Nepal Press

१५ लाखले लगाए कोभिडविरुद्धको खोप, आपूर्ति नहुँदा खोप अभियान प्रभावित

काठमाडौं- डेढ महिनामा १५ लाखभन्दा बढीले कोभिड-१९ विरुद्धको खोप लगाएका छन् । सरकारले ल्याएको २३ लाख ४६ हजार डोज खोपमध्ये शनिबारसम्म १५ लाखले खोप लगाएका हुन् ।

खोप लगाएकाको उक्त संख्या कूल जनसंख्याको ४.९ प्रतिशत हो । मन्त्रालयका अनुसार खोप लगाएकामध्ये कसैमा पनि गम्भिर समस्या देखिएको छैन । तर, केही युरोपेली मुलुक र थाइल्यान्डले चाहिँ रगत जम्ने समस्या देखाउँदै खोप अभियान स्थगित गरेका छन् ।

विश्व स्वास्थ्य संगठनले अस्ट्राजेनेकाको खोप नलगाउनुपर्ने कारण नरहेको बताउँदै ढुक्क साथ खोप लगाउन आग्रह गरेको छ ।

स्वास्थ्य तथा जनसंख्या मन्त्रालयका अनुसार अस्ट्राजेनेका र अक्सफोर्डले विकास गरेको कोभिसिल्ड खोप नेपालमा लगाइएको हो । भारतको सिरम इन्स्टिच्युटले दिएको १० लाख डोज र कोभ्याक्सबाट प्राप्त ३ लाख ४६ हजार खोप सरकारले प्राप्त गरेको थियो ।

सरकारले सबै खोप प्रदेश र जिल्लामा पठाएपछि अहिले केन्द्रिय भण्डारण स्थलमा खोप छैन ।

सेरमबाट अझै १० लाख डोज खोप प्राप्त हुन बाँकी छ । भुक्तानी भएपनि सेरमले खोप आपूर्ति नगर्दा अभियान प्रभावित भएको छ । मुगु, कालिकोट र पर्वत जिल्लामा खोप अभावले अभियान रोकिएको जनाइएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर