यी हुन् सभामुखका ३७ विपक्षी र अदालतसमक्ष माग (रिटसहित)

काठमाडौं । संवैधानिक परिषद्ले गरेका नियुक्ति र शपथग्रहण समेत गैरकानुनी तथा असंवैधानिक भन्दै सभामुख अग्नि सापकोटाले केही बेरअघि सर्वोच्च अदालतमा रिट दायर गरेका छन् । उनी आफैं रिट निवेदन लिएर अदालत पुगेका थिए ।

सापकोटासहित विभाजित नेकपाका शशी श्रेष्ठ, रामकुमारी झाँक्री, अमृता थापालगायतका विघटित प्रतिनिधिसभाका सदस्यहरू पनि शपथग्रहण र नियुक्ति बदर गर्न माग गर्दै अदालत पुगेका छन् ।

रिटमा सभामुखले बुधवार राष्ट्रपति कार्यालयमा शपथग्रहण गरेका ३२ जना संवैधानिक अंगका प्रमुख र सदस्यहरू सबै, राष्ट्रपति, प्रधानमन्त्री, प्रधानन्यायाधीश, राष्ट्रियसभा अध्यक्ष, मुख्यसचिवसहित ३७ जनालाई विपक्षी बनाइएको छ । साथै राष्ट्रपतिको कार्यालय, संवैधानिक परिषद्‍को कार्यालय र प्रधानमन्त्री तथा मन्त्रिपरिषद्‍को कार्यालयलाई पनि रिटमा विपक्षीको सूचीमा राखिएको छ ।

सभामुखले दायर गरेको रिटउपर सर्वोच्चले आइतबारलाई पेसी तोकेको छ ।

सभामुखले दायर गरेको रिट र अदालतसमक्ष गरेको माग विस्तृत हेर्नुहोस् :