ओली पक्षद्धारा ओनसरीलाई लुम्विनी प्रदेशको अध्यक्षबाट हटाएर लिला गिरी चयन – Nepal Press

ओली पक्षद्धारा ओनसरीलाई लुम्विनी प्रदेशको अध्यक्षबाट हटाएर लिला गिरी चयन

काठमाडौं । केपी ओली नेतृत्वको नेकपाले लुम्विनी प्रदेश कमिटी अध्यक्षबाट पूर्व सभामुख ओनसरी घर्तीलाई हटाएर लिला गिरीलाई चयन गरेको छ ।

प्रदेश कमिटीको बैठकले प्रचण्ड–माधव पक्षमा लागेकी घर्तीलाई हटाएर प्रदेशसभा सदस्य समेत रहेका गिरीलाई प्रदेश अध्यक्ष चयन गरेको हो ।

उनी रुपन्देहीबाट निर्वाचित प्रदेशसभा सदस्य तथा पूर्व जिल्ला इन्चार्ज हुन् । यसअघि प्रचण्ड माधव पक्षले लुम्विनी इन्चार्जबाट शंकर पोखरेललाई हटाएर युवराज ज्ञवालीलाई नियुक्त गरेको थियो ।

ओली पक्षले प्रदेश कमिटी सचिव जगप्रसाद शर्मालाई भने यथावत राखेको छ । विहीवार बसेको प्रदेश कमिटी बैठकले ओनसरीलाई हटाए पनि पूर्व माओवादीकै नेता शर्मालाई भने हटाएन । उनी राष्ट्रियसभा सदस्य हुन् ।

प्रतिक्रिया

Leave a Reply

Your email address will not be published.