चेल्सीलाई हराउँदै लिसेस्टर सिटी इंग्लिस प्रिमियर लिगको शीर्ष स्थानमा उक्लियाे

एजेन्सी । घरेलु मैदान किङ पावर रंगशालामा चेल्सीमाथि २–० को शानदार जितका साग लिसेस्टर सिटी इंग्लिस प्रिमियर लिगको शीर्ष स्थानमा उक्लिएको छ । यो हारले संघर्षरत चेल्सीका प्रशिक्षक फ्र्यांक लाम्पार्डमाथिको दवाव बढेको छ ।

लिसेस्टरले बुझको थियो कि जितले उनीहरुलाई म्यानचेस्टर युनाइटेडभन्दा माथि पु¥याउने थियो । खेल सुरु भएको छैटौं मिनेटमै विल्फ्रिेड एनडीडीले २० यार्डबाट आकर्षक गोल गरी घरेलु टोलीलाई अग्रता दिलाए ।

खेलमा चेल्सीको आक्रमण विरलै देखियो । यद्यपि पहिलो हाफमा पेनाल्टीको अवसरमा भिडियो असिस्टेन्ट रेफ्री (भार) बाधक बनेको थियो । लिसेस्टरका जोन्नी इभान्ससँगको टुयाकलमा क्रिष्टियन पुलिसिच बक्सभित्र लडेका थिए । तर भारले उनको ट्याकल बक्स बाहिर भएको निर्णय गरिदियो ।

चेल्सी प्रशिक्षक लाम्पार्डको तनाव बढाउँदै पहिलो हाफको चार मिनेटअघि लिसेस्टरले अर्को गोल थप्यो । मार्क अल्बिराइटनको पासमा जेम्स म्याडिसनको हाफ भली प्रहार चेल्सीका गोलरक्षक एडोवार्ड मेन्डीले रोक्न सकेनन् ।

दोस्रो हाफमा पनि चेल्सी खेलमा फर्कन सकेन । सुरुमै २ गोलको अग्रता बनाएको लिसेस्टर अग्रता कायम राख्ने ध्यानमै केन्द्रित रह्यो । दोस्रो हाफमा दुवैले गोल गर्न सकेनन् ।

यो जितले लिसेस्टरलाई शीर्ष स्थानमा १ अंकको अग्रता दिलाएको छ । उसले १९ खेलबाट ३८ अंक भएको छ । एक अंक कम रहेको युनाइटेडले एक खेल कम खेलेको छ । चेल्सी आठौं स्थानमा छ । च्याम्पियन्स लिगको स्थानभन्दा ५ अंकको दूरीमा छ ।