बाग्मतीमा मन्त्री थप्ने तयारी, संसदीय दलका नेता अपहरणमा परेको हानेपाको दाबी
नेपाल प्रेस
२०८० चैत १५ गते १६:०७
काठमाडौं । बागमतीमा सरकार विस्तारको तयारी गरिएको छ ।
हाम्रो नेपाली पार्टीबाट मन्त्री थप गरेर सरकार विस्तारको तयारी गरिएको सरकार निकट स्रोतले जनाएको छ ।
बहुमत पुर्याउनका लागि आजै मन्त्रीको शपथ गराउने तयारी पनि भएको छ ।
यता, हाम्रो नेपाली पार्टी (हानेपा) ले बागमती प्रदेशका संसदीय दलका नेता अपहरणमा परेको दाबी गरेको छ ।
पार्टीले बागमती प्रदेश सरकारमा सहभागी नहुने निर्णय गरेको भन्दै केन्द्रीय अध्यक्ष अनन्त घिमिरेले प्रदेशसभा सदस्य शैलेन्द्रमान बज्राचार्यसँग सम्पर्क हुन नसकेको र उनको अपहरण भएको आशंका लागेको बताए ।
बागमती प्रदेशमा सरकार जोगाउनको लागि हानेपाको समर्थन जरुरी बनेपछि पार्टीले मुख्यमन्त्रीमा बार्गेनिङ गरिरहेको थियो ।
उनले आफ्नो पार्टीको निर्णय पछि सत्तापक्षले आफ्नो प्रदेशसभा सदस्यको अपहरण भएको हुन सक्ने बताए । सांसद अपहरण गरिएको बारे सुरक्षा निकायलाई पनि सम्पर्क गरिसकेको बताए ।
बागमती सरकार जोगाउन ५६ प्रदेशसभा सदस्य आवश्यक रहेको अवस्थामा हालको गठबन्धनमा ५५ जना मात्र मात्र छन् ।
नेपाल प्रेस
प्रकाशित: २०८० चैत १५ गते १६:०७
प्रतिक्रिया
सम्बन्धित खवर
