काठमाडौं २ बाट पछि हटे हमाल, नेकपा एसका तीन पदाधिकारी समानुपातिक सूचीमा

काठमाडौं । नेकपा एकीकृत समाजवादीले पार्टीका पदाधिकारीमध्ये तीनजनालाई समानुपातिकको बन्द सूचीमा समावेश गरेको छ ।

माधव नेपाल निर्वाचित भएको काठमाडौं २ मा चुनाव लड्ने भनिएका उपाध्यक्ष प्रमेश हमाल समानुपातिकमा परेका छन् ।

त्यस्तै धादिङ २ का सम्भावित उम्मेदवार उपमहासचिव डा.गंगालाल तुलाधार पनि समानुपातिक सूचीमा परेका छन् । उनी २ पटक धादिङ २ बाट निर्वाचित भएका थिए भने २ पटक पराजित भएका थिए ।

नेकपा एसका सचिव नागेन्द्र चौधरी पनि समानुपातिकमा समेटिएका छन् । उनी यसअघि एमालेमा पनि समानुपातिकबाट संविधानसभा सदस्य भएका थिए । पार्टीले समानुपातिकमा पुनः अवसर नदिने नीति बनाए पनि चौधरीका हकमा भने लागु भएन ।