दलसँग कामको योजना नभएको स्वीकार्दै गगनले भने- उम्मेदवार उठाउँदा सोच्नुपर्ने भयो (भिडिओ) – Nepal Press

दलसँग कामको योजना नभएको स्वीकार्दै गगनले भने- उम्मेदवार उठाउँदा सोच्नुपर्ने भयो (भिडिओ)

काठमाडौं । नेपाली कांग्रेसका महामन्त्री गगन थापाले सरकारमा गएर गर्ने कामको योजना राजनीतिक दलहरूसँग नरहेको स्वीकार गरेका छन् ।

आइतबार काठमाडौंमा राष्ट्रिय योजना आयोगका पूर्वउपाध्यक्ष अर्थविद् स्वर्णिम वाग्लेद्वारा लिखित पुस्तक ‘अतृप्त अवसर’ लोकार्पण तथा समसामयिक अर्थ-राजनीतिक विमर्श कार्यक्रममा थापाले राजनीतिक दलहरुको तयारी सरकारमा पुग्ने मात्र रहेको र सरकारमा पुगेपछि गर्ने कामको योजना नरहेको बताएका हुन् ।

जतिसुकै ठूला कार्यक्रम ल्याएपनि कार्यान्वयनको नीति फितलो देखिएको थापाको भनाइ थियो । थापाले अगामी प्रतिनिधिसभा निर्वाचनमा कांग्रेसले बहुमत पाउने दाबी गर्दै भावी योजनाका बारेमा अहिलेदेखि तयारी थालेको पनि बताए ।

कांग्रेसले बहुमत प्राप्त गर्दै गर्दा मुलुकलाई दुर्घटनामा पार्दैन भनेर कसरी आश्वस्त पार्ने भन्ने विषय प्रमुख रहेको उनले बताए ।

थापाले विभिन्न ठाउँमा स्वतन्त्र उम्मेदवार हाबी भएकोतर्फ संकेत गर्दै दलहरूले उम्मेदवार उठाउँदा निकै सोच विचार गर्नुपर्ने अवस्था आएको धारणासमेत राखे ।

पुस्तक फाइनप्रिन्टले प्रकाशनमा ल्याएको पुस्तकमा वाग्लेद्वारा लिखित बिभिन्न लेखहरू संग्रहित गरिएको छ ।

प्रतिक्रिया

Leave a Reply

Your email address will not be published.

सम्बन्धित खवर