एमाले अधिवेशन : रोल्पाको सुनिलस्मृति गाउँपालिकामा महिला नेतृत्व, तारा सेन बनिन् अध्यक्ष
नेपाल प्रेस
२०७८ कार्तिक ९ गते १६:१०
रोल्पा । नेकपा (एमाले) सुनिलस्मृति गाउँपालिका कमिटी महिला नेतृत्वमा चयन भएको छ । मंगलबार भएको प्रथम अधिवेशनबाट तारा सेन सर्वसम्मत रूपमा अध्यक्ष चयन भएकी छन् ।
सेन अनेमसंघकी केन्द्रीय सदस्य र एमालेको रोल्पा जिल्ला कमिटी सदस्य हुन् ।
पहिलो बैठकबाट सेनको नेतृत्वमा १८ सदस्य मनोनीत गर्ने निर्णय समेत भएको छ । त्यस्तै उपाध्यक्षमा शशिराम कुबर, सचिवमा दिनेश थापा र दुई उपसचिवमा पुस्कर थापा र रविना घर्ती चयन भएका छन् ।
७३ जनाको पालिका कमिटी बनाउनुपर्ने भए पनि अन्य सदस्य पछि थप गर्ने गरी हाललाई ५३ जनाको कमिटी बनाइएको छ ।
नेपाल प्रेस
प्रकाशित: २०७८ कार्तिक ९ गते १६:१०
प्रतिक्रिया
सम्बन्धित खवर
