दसैं मनाउन गएकाहरु धमाधम फर्किँदै, काठमाडौंमा बढ्यो चहलपहल (तस्वीरहरु)

काठमाडौं । दसैंको सार्वजनिक विदा सकिएसँगै विभिन्न जिल्लाबाट मानिसहरु काठमाडौं फर्किने क्रम तीव्र भएको छ । हिजो र आज लाखौंको संख्यामा मानिसहरु काठमाडौं भित्रिए ।

सरकारले फुलपातीदेखि ५ दिन दसैंको सार्वजनिक विदा दिएको थियो । प्राय निजी उद्योग व्यवसायले पनि पाँच दिनकै विदा दिएका छन् । हिजोबाट विदा सकिएर कार्यालयहरु खुलेसँगै दसैं मनाउन गएकाहरु फर्किन थालेका हुन् । आजबाट काठमाडौंमा मानिस र सवारीसाधनको चहलपहल बाक्लिएको छ ।

उपत्यकाबाहिरबाट सुमो लगायतका साना सवारीसाधन भित्रिने स्थान बल्खुमा आज दिउँसो पुग्दा अस्तव्यत थियो । गाडी झरेर कोही ट्याक्सी त कोही सार्वजनिक यातायातको खोजी गरिरहेका थिए । हेर्नुस केही तस्वीरः