गोदावरीमा एमाले नेता/कार्यकर्ताको देउडा नाच (तस्बिरहरू)

काठमाडौं । तीन दिनदेखि जारी नेकपा एमालेको विधान महाधिवेशन आज सकिँदैछ । ललितपुरको गोदावरीस्थित सनराइज सम्मेलन केन्द्रमा आयोजना गरिएको महाधिवेशनमा देशभरबाट करिब ६ हजार एमाले नेता/कार्यकर्ता सहभागी छन् ।

सम्मेलन हलको प्रांगणमा प्रतिनिधिहरूले सुदूरपश्चिमको मौलिक परम्परा देउडा प्रस्तुत गरेका छन् । देउडा संस्कृतिको संरक्षण र प्रचारप्रसार गर्दै नेताहरू लेखराज भट्टलगायतका महिला तथा पुरुष प्रतिनिधिले देउडा नाचेका हुन् ।

महाधिवेशनमा प्रस्तुत राजनीतिक, सांगठानिक प्रतिवेदनमाथिको समूहगत छलफलपछि सुझाव पेस गर्ने काम सकिएको छ । त्यसउपर उठेका सवाल तथा सुझावबारे प्रतिवेदन प्रस्तुतकर्ताहरू अध्यक्ष केपी शर्मा ओली, महासचिव ईश्वर पोखरेल, उपमहासचिव विष्णुप्रसाद पौडेलले जवाफ दिँदैछन् ।