महेश बस्नेतले भने,‘आईटी आर्मीप्रति मेरो पूर्ण समर्थन छ’ – Nepal Press

महेश बस्नेतले भने,‘आईटी आर्मीप्रति मेरो पूर्ण समर्थन छ’

काठमाडौं । नेकपा एमालेका नेता तथा पूर्वमन्त्री महेश बस्नेतले ‘आईटी आर्मी’ प्रति आफ्नो पूर्ण समर्थन रहेको स्पष्ट पारेका छन् ।

बेथिति र विसंगतिका विरुद्ध लड्न तथा समाजवादी क्रान्तिका लागि वामपन्थी युवाहरुले गठन गरेको आईटी आर्मीको विषयमा जोडेर केही सञ्चार माध्यमले भ्रम फैलाएको उनको टिप्पणी छ ।

सामाजिक सञ्जालमार्फत पूर्वमन्त्री बस्नेतले आईटी आर्मीप्रति कुनै पनि असहमति नरहेको र स्रोत एवम् तथ्य बिनाको प्रायोजित अनलाइनहरुले भ्रम फैलाएको
उल्लेख गरेका छन् ।

‘कमरेड प्रभु साह संगको मेरो सम्बन्ध त्यस्तो खराब नि छैन, आइटी आर्मी गठनमा मेरो असहमति होस । उहाँ र मेरो सल्लाह अनुसार नै बनेको हो आइटी आर्मी,अनि साइबर सेना संगै मिलेर दुबै संगठनमा काम गर्छन। श्रोत र सम्पर्क बिनाको अनलाइनका खबरहरु पढ्दैछु।’ पूर्वमन्त्री बस्नेतले लेखेका छन् ।

मंगलबार एमाले नेता प्रभु शाहको नेतृत्वमा आईटी आर्मी’ गठन गरिएको थियो ।

प्रतिक्रिया

Leave a Reply

Your email address will not be published. Required fields are marked *