थुनुवा फरार भएपछि लहानका तीन प्रहरी निलम्बनमा

जनकपुरधाम । हिरासत कक्षको झ्याल तोडेर थुनुवा फरार भएपछि ईलाका प्रहरी कार्यालय लहान, सिरहाका तीन प्रहरी निलम्बनमा परेका छन् । थुनुवाको सुरक्षार्थ खटिएका एक असई, एक हवल्दार र एक प्रहरी जवान निलम्वनमा परेका हुन् ।

लापरबाही देखिएकाले तीनै जना प्रहरीलाई निलम्बन गरि थुनुवा फरार घटनाको अनुसन्धान भइरहेको सिरहाका प्रहरी प्रवक्ता प्रहरी नायव उपरीक्षक (डीएसपी) सुवास बुढाथोकीले जानकारी दिए । लागुऔषधसहित पक्राउ परेका नवराजपुर गाउँपालिका १ का पशुपति यादव शनिवार राति हिरासतको झ्याल तोडेर फरार भएका हुन् । प्रहरीले उनको खोजी गरिरहेका छन् ।