प्रधानमन्त्रीले संवैधानिक परिषद बोलाएकोमा माधव नेपालको आपत्ति

काठमाडौं । नेकपा एमालेका वरिष्ठ नेता तथा पूर्व प्रधानमन्त्री माधवकुमार नेपालले संवैधानिक परिषद बैठक बोलाएकोेमा प्रधानमन्त्री केपी शर्मा ओलीको आलोचना गरेका छन् ।

नेपाल सरकार कोभिड १९ महामारी नियन्त्रण गर्न केन्द्रित हुनुको साटो बलमिच्याई गरी अध्यादेशमार्फत संवैधानिक आयोगमा पदपूर्ति गर्न खोज्नु अलोकतान्त्रिक कार्य भनेका छन् ।

नेपालले फेसबुक पेजमार्फत भनेका छन्, ‘मुलुकमा उत्पन्न विषम परिस्थितिमा सरकार जनप्रतिको आफ्नो मुख्य दायित्वबाट च्यूत हुन मिल्दैन । अतः गलत बाटोबाट गरिने यस्ता नियुक्ति प्रयासहरु तत्काल बन्द गर्न र जनताको जीवन रक्षमा ध्यान केन्द्रित गर्न आह्वान गर्दछु ।’

प्रधानमन्त्रीले आइतबार संवैधानिक परिषद बैठक बोलाएका छन् । अख्तियार दुरुपयोग अनुसन्धान आयोगमा दुई आयुक्तसहित लोकसेवा आयोग र अन्य समावेशी आयुगमा नियुक्ति सिफाारिसका लागि बैठक बोलाइएको हो ।

प्रतिक्रिया

Leave a Reply

Your email address will not be published. Required fields are marked *