अक्सिजनको खाली सिलिन्डर प्लान्टमा उपलब्ध गराउन निजी क्षेत्रको अपिल

काठमाडौं । निजी क्षेत्रले कोभिड–१९ को उपचारमा पर्याप्त मात्रामा उपलब्ध हुन नसकिरहेको अक्सिजन प्रयोग गरिरहेका सम्पूर्ण उद्योगलाई आपूसंग मौज्दात रहेको सिलिन्डर यथासिघ्र उपलब्ध गराउन अपिल गरेको छ । नेपाल उद्योग वाणिज्य महासंघ, नेपाल उद्योग परिसंघ र नेपाल चेम्बर अफ कमर्स लगायतले सम्बन्धित ग्यास उत्पादक वा नजिकको अक्सिजन उत्पादक प्लान्टमा उपलब्ध गराउन अपिल गरेका हुन् ।

अस्पताल भरिदै गएका र विशेषगरी संक्रमितको जीवन रक्षाका लागि आवश्यक अक्सिजन सिलिन्डरको चरम अभाव देखिएको भन्दै सम्पूर्ण अक्सिजन ग्यास उत्पादक कम्पनीलाई स्वास्थ्य उपचार प्रयोजनका लागि मात्र अक्सिजन सिलिन्डर उपलब्ध गराउन निजी क्षेत्रको आग्रह छ ।

अन्य व्यवसायीसंग सिलिन्डर छन भने त्यसलाई पनि स्वास्थ्य उपचारका लागि प्रयोग गर्ने गरि सम्बन्धित निकायमा उपलब्ध गराइदिन महासंघ, परिसंघ र चेम्बरले अनुरोध गरेका छन् । केही निजी अस्पतालले बिषम परिस्थितिमा चर्को शुल्क लिइ उपचार गरिरहेको भन्ने समाचार तर्पm पनि निजी क्षेत्रको ध्यानाकर्षण भएको छ ।

प्रतिक्रिया

Leave a Reply

Your email address will not be published. Required fields are marked *