गण्डकीमा कोरोनाबाट थप २ को मृत्यु

पोखरा । गण्डकी प्रदेशमा कोरोनाबाट थप २ जनाको मृत्यु भएको छ । मृत्यु हुनेमा बागलुङ र गोरखाका १ जना छन् ।

प्रदेश स्वास्थ्य निर्देशनालयका अनुसार मंगलबार साँझ बागलुङ नगरपालिका ५५ वर्षीय महिलाको मृत्यु भएको छ । उनको पोखरा मणिपाल शिक्षण अस्पतालमा उपचारका क्रममा मृत्यु भएको हो ।

उनलाई बैशाख १० गते कोरोना पुष्टि भएको थियो । त्यस्तै, बुधबार कोरोनाबाट गोरखा १४ का ५५ वर्षीय पुरुषको मृत्यु भएको छ ।

८ गते कोरोना पुष्टि भएका उनको भरतपुर जिल्ला अस्पताल चितवनमा उपचारका क्रममा मृत्यु भएको हो । योसँगै गण्डकीमा कोरोनाबाट मृत्यु हुनेको संख्या २ सय १९ पुगेको छ ।

प्रतिक्रिया

Leave a Reply

Your email address will not be published. Required fields are marked *