भोजपुर गोल्डकप : रुपन्देहीले जित्यो उपाधि

भोजपुर । हराउँदै गोर्खा ब्वाइज स्पोर्टस् क्लब रुपन्देही भोजपुर गोल्डकपको विजेता बनेको छ । सदरमुकामस्थित टुँडिखेलमा शनिबार सम्पन्न चौथो अन्तर्राष्ट्रिय आमन्त्रण गोल्डकपको फाइनलमा अफ्रिकन रुट्स एसोसियसन क्यामरुनलाई १-० ले हराउँदै रुपन्देहीले उपाधिमाथि कब्जा जमाएको हो ।

निर्धारित ९० मिनेट गोलरहित बराबरीमा सकिएपछि थपिएको अतिरिक्त समयमा गोर्खा ब्वाइजले एक गोल गरी जित सुनिश्चित गर्‍यो । अतिरिक्त समयको छैटौं मिनेटमा रुपन्देहीका पेपेले १ गोल गरी टिमलाई अग्रहता दिलाए । उनी फाइनल खेलको म्यान अफ दी म्याच समेत बने ।

प्रतिस्पर्धात्मक फाइनल खेलमा आक्रमक शैली अपनाए पनि दुवै टिमले गोलका सुन्दर अवसरहरू भने गुमाउन पुगे ।

जितसँगै गोर्खा ब्वाईजले ५ लाख नगद र ट्रफि हात पार्‍यो । उपविजेता अफ्रिकन रुट्सले ३ लाख नगद जितेको छ । भोजपुर नगरपालिकाको प्रायोजनमा भोजपुर जिल्ला फुटबल संघले आयोजना गरेको उक्त प्रतियोगितामा विदेशीसहित ८ टिमको सहभागी भएको संघका अध्यक्ष प्रवीण सुवालले बताए ।

प्रतिक्रिया

Leave a Reply

Your email address will not be published. Required fields are marked *