प्रदेश १ सभा बैठक अनिश्चितकालीन स्थगित
नेपाल प्रेस
२०७७ चैत १ गते १२:१९
विराटनगर । प्रदेश १ सभाको बैठक अनिश्चितकालका लागि स्थगित गरिएको छ ।
भोलि (सोमबार) साढे १२ बजेका लागि तय गरिएको बैठक अर्को सूचना नभएसम्मका लागि स्थगित गरिएको प्रदेशसभा सचिवालयले जनाएको छ ।
सचिव गोपालप्रसाद पराजुलीले सभामुखको आदेश अनुसार विशेष कारण देखाउँदै बैठक स्थगित गरिएको सूचनामार्फत जनाएका छन् । यसअघि फागुन २० गते डाकिएको बैठक पनि विशेष कारण देखाउँदै स्थगित गरेर भोलिका लागि सारिएको थियो ।
मुख्यमन्त्री शेरधन राईविरुद्धको अविश्वासको प्रस्ताव प्रदेशसभामा टेबुल भइसकेको छ । नेकपा एमाले र माओवादी केन्द्र ब्यूँताउने सर्वोच्चको फैसलापछि अविश्वासको प्रस्ताव के हुने भन्ने चासो र चर्चाको थप विषय बनेको छ ।
नेपाल प्रेस
प्रकाशित: २०७७ चैत १ गते १२:१९
प्रतिक्रिया
सम्बन्धित खवर
