बालुवाटार जानुअघि महन्थ ठाकुरले भने– एजेन्डा पूरा भएपछि मात्रै सत्ता समीकरण

 काठमाडौं । जनता समाजवादी पार्टीका अध्यक्ष महन्थ ठाकुरले आफूहरुको एजेन्डा पुरा भएपछि मात्रै सत्ता समीकरणबारे सोच्ने बताएका छन्।

प्रधानमन्त्री केपी शर्मा ओलीसँग छलफलका लागि पाँच जना नेताहरु बालुवटार जान लागेको जानकारी दिँदै ठाकुरले जेलमा रहेका आफ्ना नेता कार्यकर्ताको रिहाइका विषयमा कुरा हुने बताए।

‘हाम्रा साथीहरु जुन जेलमा छ, उनीहरुमाथि मुद्दा छ,’ उनले भने,‘ तिनीहरुको रिहाइको विषयमा र मुद्दा फिर्ताको विषयमा कुरा गर्न जाँदै छौं ।’ ओलीसँग नयाँ सत्ता समीकरणको सम्भावना बारे ठाकुरले भने– ‘सत्ता समीकरणका विषयमा केही कुरा गर्ने होइन । हाम्रो एजेन्डा पुरा हुन्छ भनेपछि मात्रै सत्ता समीकरणबारे सोच्ने कुरा हुन्छ ।’