प्रचण्ड-माधव नेपाल समेतलाई निम्तो पठाउँदै ओली पक्षले बोलायो संसदीय दलको बैठक
नेपाल प्रेस
२०७७ फागुन २० गते २०:००
फाइल तस्बिर ।
काठमाडौं। विभाजित नेपाल कम्युनिष्ट पार्टीको ओली पक्षले संसदीय दलको बैठक बोलाएको छ।
शनिबार दिउँसो सिंहदरबारस्थित नेकपा संसदीय दलको कार्यालयमा बोलाइएको बैठकमा अर्को प्रचण्ड–माधव पक्षलाई समेत बोलाइएको छ।
ओली पक्षीय नेकपाका प्रमुख सचेतक विशाल भट्टराईले पुष्पकमल दाहाल ‘प्रचण्ड’ र माधवकुमार नेपाल समेत गरी सग्लो नेकपाका सबै सांसदलाई बैठकमा बोलाइएको बताए।
संघीय संसदमा सग्लो नेकपाका १७४ सांसद छन्।
पार्टी अझै नफुटेको भन्दै सबैलाई बैठकमा आमन्त्रित गरिएको भट्टराईले जानकारी दिए।
ओली पक्षले पार्टी नफुटेको बताइरहे पनि प्रचण्ड–माधव पक्षले भने संसदीय दलका नेता केपी शर्मा ओली, उपनेता सुवास नेम्वाङ, सचेतक शान्ता चौधरीलगायतलाई कारबाही गरेको घोषणा गरेको छ।
आजै प्रचण्ड–माधव पक्षले उनीहरुलाई कारबाही गरिएको पत्र संघीय संसद सचिवालयमा बुझाएको छ।
नेपाल प्रेस
प्रकाशित: २०७७ फागुन २० गते २०:००
प्रतिक्रिया
सम्बन्धित खवर
