च्याम्पियन्स लिगमा रियाल र एट्लान्टा भिड्दै – Nepal Press

च्याम्पियन्स लिगमा रियाल र एट्लान्टा भिड्दै

काठमाडौं । युरोपेली फुटबलको सर्वाधिक लोकप्रिय प्रतियोगिता च्याम्पियन्स लिगको अन्तिम–१६ मा स्पेनिस महारथी रियाल मड्रिड र इटालियन अन्डर डग्स एट्लान्टा भिड्दै छन् ।

नेपाली समयअनुसार बुधबार राति १:४५ बजे हुने खेलमा १३ पटकको च्याम्पियन मड्रिड जित हासिल गर्दै पहिलो लेगमा अग्रता बनाउन चाहन्छ ।

अर्कातिर घरेलु मैदानको फाइदा उठाउँदै एट्लान्टा पहिलो लेगको नतिजा आफ्नो पक्षमा पार्न चाहन्छ । पहिलो पटक आमने/सामने हुन लागेका दुवै टोली क्वार्टरफाइनलमा स्थान बनाउन चाहन्छन् । लगातार तीन पटकको च्याम्पियन मड्रिड २०१७/१८ पछि क्वार्टरफाइनल पुग्न सकेको छैन ।

गत सिजन अन्तिम १६ बाटै बाहिरिएको मड्रिड आजको खेलमा पनि दबाबमा रहने छ । टीमका कप्तान सर्जियो रामोससँगै नियमित सदस्य रहँदै आएका मार्सेलो, रोडरिगो, इडेन हाजार्ड, एडर मिलाटो, ड्यानियल कार्भाजल, फेडेरिको भल्भर्दे चोटका कारण उपलब्ध हुनेछैनन् ।

रियाल मड्रिडको सम्भावित लाइन अप: टिबाउट कोट्वा, लुकास भास्केज, राफेल भरान, नाचो, फर्लान्ड मेन्डी, क्यासिमिरो, टोनी क्रृस, लुका मोड्रिक, मार्को एसेन्सियो, म्यारियानो डियाज, भिनिसियस जुनियर

एट्लान्टाको सम्भावित लाइन अप : पिअरलुगी जिगोलिनी, राफेल टोलोई, लुइस पालोमिनो, जोआकिम मेहेल, मार्टिन डि रोन, रेमो फ्रेलर, रोबिन गोसेन्स्, जोसेफ लिसिक, डुवान जापाटा, लुइस मुरियल

प्रतिक्रिया

Leave a Reply

Your email address will not be published. Required fields are marked *