भूमि आयोगका ७७ जिल्ला अध्यक्ष, दलित ३ जना मात्रै, महिला ६ जना – Nepal Press

भूमि आयोगका ७७ जिल्ला अध्यक्ष, दलित ३ जना मात्रै, महिला ६ जना

१ सय ५४ सदस्यमध्ये ९ जना मात्रै दलित समेटिदाँ महिला ३६ जना

काठमाडौं । सरकारले भूमि सम्बन्धी समस्या समाधान आयोगका ७७ जिल्ला समिति गठन गर्दा ३ जिल्लाका  अध्यक्षमा मात्र दलित नियुक्त गरेको छ ।

५ दिन अघि बसेको मन्त्रिपरिषद्को बैठकले गठन गरेको जिल्ला समितिमा धनकुटा जिल्ला समितिको अध्यक्षमा नैनकुमार विश्वकर्मा, हुम्लाको अध्यक्षमा प्रकाश बहादुर सुनार र बैतडीको अध्यक्षमा नरेश कुमार विश्वकर्मा नियुक्त गरेको हो ।

आयोगका जिल्ला समितिमा महिला अध्यक्ष भने ६ जना नियुक्त भएका छन् । जसमा पाँचथरको अध्यक्षमा करुणा राई, पर्सामा विनादेवी शर्मा, नुवाकोटमा विन्द्रा ढुंगाना, बाँकेमा शान्तीदेवी ढकाल, नवलपरासी पश्चिममा बिमला अर्याल र कञ्चनपुरमा कमला बोहोरा अध्यक्ष नियुक्त भएका हुन् ।

७७ जिल्लामा अध्यक्ष बाहेक १ सय ५४ सदस्य नियुक्त गर्दा ९ जना मात्र दलित सदस्य र ३६ जना महिला सदस्य नियुक्त भएका छन् ।

दलित तथा भूमिहिनका समस्या समाधान गर्न तत्कालिन भूमि, व्यवस्था, सहकारी तथा गरिवी निवारण मन्त्री पद्मा अर्यालयको सिफारिसमा सरकारले गठन गरेको ५ सदस्यीय आयोगमा १ जना पनि दलित प्रतिनिधि नपरेको भन्दै बिरोध भएको थियो ।

यसै बेला भूमि, व्यवस्था, सहकारी तथा गरिवी निवारण मन्त्री डां. शिवमाया तुम्वाहाफको सिफारिसमा सकारले जिल्ला समिति गठन गरेको हो ।

प्रतिक्रिया

Leave a Reply

Your email address will not be published.

सम्बन्धित खवर