वालिङ र विराटनगर १-१ को बराबरीमा रोकिए – Nepal Press

वालिङ र विराटनगर १-१ को बराबरीमा रोकिए

काठमाडौं । सम्झना शर्माले दोस्रो मिनेटमै गरेको गोलबाट लिएको अग्रता जोगाउन नसक्दा वालिङ नगरपालिका राष्ट्रिय महिला लिगको पहिलो खेलमा विराटनगर महानगरपालिकासँग १–१ गोलको बराबरीमा रोकिएको छ ।

एन्फा कम्प्लेक्समा भएको खेलको दोस्रो मिनेटमा सम्झनाले हेडरमार्फत गरेको गोलसँगै वालिङले पहिलो हाफमा १-० को अग्रता लिएको थियो ।

तर, बराबरी गोलका लागि निरन्तर प्रयासरत विराटनगरका लागि ६३औं मिनेटमा आशा कुमारीले फ्रि-किकमार्फत् गोल फर्काएकी थिइन् । उनले करिब ४० यार्ड टाढाबाट गरेको सशक्त प्रहारमा वालिङकी गोलकिपर सावित्री किशनको फितलो प्रयास असफल भएको थियो ।

त्यसपछि दुवै टोलीले गोलका लागि प्रयास गरे पनि सफल हुन सकेनन् । बराबरीसँगै दुवै टोलीले १-१ अंक बाँडेका छन् । बुधबार भएको उद्घाटन खेलमा त्रिभुवन आर्मी फुटबल क्लब र नेपाल पुलिस क्लबले गोलरहित बराबरी खेलेका थिए ।

आज नै भएको पहिलो खेलमा एपिएफ क्लबले चन्द्रपुर नगरपालिकालाई ६-० को फराकिलो अन्तरले पराजित गरेको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर