जन्मदिनमा निश्चलको ‘जिन्दाबाद’ घोषणा, बुद्धिसागर लेख्दैछन् फिल्म

काठमाडौं । ‘लुट’ फेम्ड निर्देशक निश्चल बस्नेतले आइतबार जन्मदिन सेलिव्रेट गरे । जीवनको ४० औं वर्षगाँठ मनाउन उनीसँग एउटा सरप्राइज पनि थियो । त्यो हो –नयाँ फिल्म घोषणा गर्ने ।

बस्नेतले होमप्रोडक्सन प्रोजेक्ट ‘जिन्दाबाद’ निर्माण एवं निर्देशनको घोषणा गरेका छन् । उनी सामाजिक संजालमा लेख्छन् –जन्मदिनको शुभकामना निश्चल । राम्रो मान्छे बन्न सकूँ । यही दिएँ आफैलाई शुभकामना । यो वर्ष ‘जिन्दाबाद’ निर्देशन गर्नेछु ।’

यसैसाता निश्चलको डेब्यु निर्देशकीय फिल्म ‘लुट’ले प्रदर्शनको नौ वर्ष पुरा गरेको छ । यसैसाता उनी बर्थडे सेलिव्रेट गर्दैछन्। टलकजंग भर्सेस टुल्के र लुटको दोस्रो सिक्वेल पनि उनले निर्देशन गरे ।

निश्चलले निर्देशन गर्ने फिल्म ‘जिन्दाबाद’को पटकथा उपन्यासकार बुद्धिसागरले लेखिरहेका छन् । कर्णाली ब्लुज फेम्ड लेखक बुद्धिसागरले फिल्मका लागि निश्चलसँग टीमअप गरिरहेका छन् । उनै निर्देशकलाई ह्याप्पी बर्थडे ।