प्रदेश १ को नेकपा संसदीय दल विभाजन, प्रचण्ड–माधव पक्षको नेता भीम आचार्य चयन – Nepal Press

प्रदेश १ को नेकपा संसदीय दल विभाजन, प्रचण्ड–माधव पक्षको नेता भीम आचार्य चयन

काठमाडौं । प्रदेश १ को नेकपा संसदीय दल आजबाट औपचारिक रुपमा विभाजन भएको छ । मुख्यमन्त्री शेरधन राईविरुद्ध अविश्वास प्रस्ताव दर्ता गराएको प्रचण्ड–माधव नेपाल पक्षले राईलाई संसदीय दलको नेताबाट हटाउँदै भीम आचार्यलाई नेता चयन गरेपछि दल विभाजन भएको हो ।

प्रचण्ड–माधव पक्षले आचार्यलाई भावी मुख्यमन्त्री प्रस्ताव गरि अविश्वास प्रस्दा दर्ता गराएको छ । आज बसेको संसदीय दलको बैठकले राईलाई नेताबाट हटाएको सांसद इन्द्र आङ्बोले बताए ।

आचार्य राईसँग संसदीय दलको नेतामा पराजित भएका थिए । प्रदेश १ को प्रदेशसभामा नेकपाका ६७ सांसदमध्ये ३७ जनाले अविश्वास प्रस्तावमा हस्ताक्षर गरेका थिए । तर एकजना हस्ताक्षरकर्ता कला घलेले आफूले हस्ताक्षर फिर्ता लिएको बताएकी छन् ।

प्रतिक्रिया

Leave a Reply

Your email address will not be published.

सम्बन्धित खवर