तरुण दल अध्यक्ष गुरुङले पेस गरे पाँचौं राष्ट्रिय महाधिवेशनको कार्यतालिका प्रस्ताव
काठमाडौं । नेपाल तरुण दलले ०८१ चैतभित्र केन्द्रीय महाधिवेशन गरिसक्ने कार्यतालिका बनाएको छ । बिहीबार बसेको दलको केन्द्रीय समितिमा अध्यक्ष विद्वान गुरुङले प्रस्ताव गरेको कार्यतालिकामा ०८१ भित्र केन्द्रीय महाधिवेशन गरिसक्ने उल्लेख छ ।
बैठकमा अध्यक्ष गुरुङले पाँचौं राष्ट्रिय महाधिवेशनको कार्यतालिका पेस गरेका छन् । उक्त कार्यतालिकाबारे बैठकमा केन्द्रीय सदस्यहरुले आफ्नो धारणा राख्ने क्रम जारी छ ।
भोलि शुक्रबार बिहान ८ बजे बस्ने गरी स्थगित भएको बैठकमा नेपाल तरूण दलको पाँचौ महाधिवेशन आजैका मितिबाट सुरु भएको अध्यक्ष गुरुङले बताएका छन् । बैठकमा जजरकोट भूकम्पमा सहयोग गर्ने सबैमा धन्यवाद प्रस्ताव सर्वसम्मतले पारित गरियो ।
अध्यक्ष गुरुङले महाधिवेशनका बारेमा प्रस्ताव गरेको कार्यतालिका यस्तो छ–
– ५ सदस्यीय विधान मस्यौदा समिति बनाउने, मुख्यसचिव ठानप्रसाद पोखरेल सदस्य सचिव रहने ।
– जेठ २७–२८ गते अर्को बैठक बस्ने
– ७७ जिल्लामा प्रतिनिधि खटाउने, जेठ ५ गतेभित्र विधानको राय दिने ।
– जेठ १५ गतेभित्र समितिले विधान मस्यौदा अध्यक्षलाई बुझाउने ।
– असार मसान्तभित्र पार्टीले लागू गरे
असार साउन तरूण अभियान
– जहाँ विपद् त्यहाँ तरूण
– जहाँ कृषि त्यहाँ तरूण
– साउन १५ देखि पूर्णकालिन वितरण
– २०८१ असोज मसान्तसम्म ६७२७ सबै वडाको अधिवेशन सम्पन्न गर्ने
– कार्तिक मंसिरमा पालिका अधिबेशन
– पुस र माघमा क्षेत्र र प्रदेससभा अधिवेशन ।
– माघ मसान्तसम्म ७७ जिल्ला अधिवेशन ।
– फागुन र चैतभित्र ७ प्रदेस र केन्द्रीय अधिवेशन ।