राष्ट्रियसभा निर्वाचनको लागि दाङमा निर्वाचन अधिकृतको कार्यालय स्थापना
नेपाल प्रेस
२०८० पुष १७ गते १०:४१
रुपन्देही । आगामी माघ ११ गते हुने राष्ट्रियसभा सदस्यको निर्वाचनका लागि दाङको घोराहीमा निर्वाचन अधिकृतको कार्यालय स्थापना भएको छ ।
राष्ट्रियसभा सदस्य निर्वाचन २०८० का लागि घोराहीमा प्रदेश निर्वाचन कार्यालयमा निर्वाचन अधिकृतको कार्यालय स्थापना भएको हो ।
निर्वाचन आयोगको निर्वाचन अधिकृतको कार्यालय स्थापना गर्नुपर्ने कार्यक्रम अनुसार लुम्बिनी प्रदेशमा राष्ट्रियसभा निर्वाचनका लागि निर्वाचन अधिकृतको कार्यालय स्थापना गरिएको निर्वाचन अधिकृत कृपासुर कार्कीले बताए ।
निर्वाचन अधिकृतको कार्यालय स्थापना भइसकेकाले अब आयोगको कार्य तालिका अनुसार निर्वाचनका कार्यक्रमहरू अघि बढ्ने उनको भनाइ छ ।
राष्ट्रियसभा निर्वाचनका लागि यही पुस २३ गते उम्मेदवारको मनोनयन पत्र दर्ताको कार्यक्रम रहेको छ ।
आगामी फागुन २० गतेदेखि राष्ट्रियसभाका निर्वाचित १९ र मनोनीत १ गरी २० सदस्यको कार्यकाल सकिँदै छ ।
जसअनुसार लुम्बिनी प्रदेशमा राष्ट्रियसभा निर्वाचनका लागि २ सदस्यका लागि निर्वाचन हुनेछ ।
नेपाल प्रेस
प्रकाशित: २०८० पुष १७ गते १०:४१
प्रतिक्रिया
सम्बन्धित खवर
