रहर कहाँ गए ?
२०७९ असोज १७ गते ९:३९
शरद आ’को सन्देश दिने बादल कहाँ गए ?
औंशी रातमा घिनघिन गर्ने मादल कहाँ गए ?
डोरी बाट्न जान्ने दाइ कतारमा छन् अचेल,
लिङ्गे पिङ्ग मच्चाउदाको हलचल कहाँ गए ?
सयपत्री आँगन ढाक्दै फुलिसके पनि,
चाडपर्वमा रमझम गर्ने रहर कहाँ गए ?
केही पैसा चामल पाएँ मख्खै पर्थ्यौँ हामी,
देउसी जाने इस्टमित्र दलबल कहाँ गए ?
– आमोद खतिवडा
ग्रामथान-२, झोराहाट मोरङ (हाल बोस्टन, अमेरिका)
प्रकाशित: २०७९ असोज १७ गते ९:३९
प्रतिक्रिया
सम्बन्धित खवर
