खाँडादेवी गाउँपालिकामा एमालेको फराकिलो अग्रता,गठबन्धनले पछ्याउँदै – Nepal Press

खाँडादेवी गाउँपालिकामा एमालेको फराकिलो अग्रता,गठबन्धनले पछ्याउँदै

मन्थली । रामेछापका ८ स्थानीय तहमध्ये सातवटाको नतिजा आइसक्दा अब खाँडादेवी गाउँपालिका बाँकी रहेको छ । वडा नम्बर १ राकाथुममा पुनः मतदान भएका कारण खाँडादेवीको गणना ढिला भएको हो ।

पछिल्लो मतगणनाको परिणाम अनुसार नेकपा एमालेका ज्ञानकुमार श्रेष्ठले ४६९८ मतका साथ अग्रता लिइरहेका छन् । दोस्रो स्थानमा कांग्रेस–माओवादी गठबन्धनका अध्यक्ष उम्मेदवार नवराज थोकर ३०२८ मतका साथ पछाडि परेका छन् ।

यहाँ नेकपा एसका श्याकृष्ण श्रेष्ठले ४५१ मत पाएका छन् । उपाध्यक्षमा पनि नेकपा एमालेकी रमा घिसिङ ४६१४ मतसहित अग्रता लिइरहेकी छन् भने तीन दलीय गठबन्धनका साझा उम्मेदवार मानवहादुर लामाले २६८३ मतबाट पछ्याइरहेका छन् ।

हालसम्म दुईवटा वडामा एमालेले जित निकालिसकेको छ भने गणना भइरहेका प्रायः सबै वडामा एमालेको अग्रता छ ।

प्रतिक्रिया

Leave a Reply

Your email address will not be published.

सम्बन्धित खवर