माघी सम्झाउने सेलेना गोमेजको त्यो विश्वचर्चित फोटो ! – Nepal Press

माघी सम्झाउने सेलेना गोमेजको त्यो विश्वचर्चित फोटो !

काठमाडौं । सन् २०१४ मे २० देखि २३ सम्म हलिउड गायिका एवं अभिनेत्री सेलेना गोमेज नेपाल भ्रमणमा थिइन् । राष्ट्रसंघीय बालबालिका कार्यक्रम (युनिसेफ)को सद्भावना दूतको रुपमा उनी काठमाडौं आइपुगेकी थिइन् ।

नेपाल भ्रमणको क्रममा बर्दिया र बाँके पुगेकी गोमेजलाई परम्परागत थारु पहिरन र झाँकीमा थारु किशोरीहरुले स्वागत गरेका थिए । गोमेजले सो अवसरमा थारु पहिरन र संस्कृतिले आफूलाई मोहित पारेको बताएकी थिइन् भने उनले थारु परिकार पनि चाखेकी थिइन् ।

सतबरिया राप्ती माध्यमिक विद्यालयमा पुगेर उनले थारु किशोरी र बालबालिकासँगै समय बिताइन् । उनले सो अवसरमा बालबाबालिकाको शिक्षा, स्वास्थ्य र उनीहरुको आहराबारे बुझेकी थिइन् ।

आज थारु समुदायको मुख्य पर्व माघीमा सेलेनाको उक्त तस्बिर सान्दर्भिक हुनसक्छ । ती जिल्लाका थारु बस्तीको शिक्षा तथा स्वास्थ्यमा युनिसेफले पनि विभिन्न परियोजना संचालन गरिरहेको छ ।

नेपाल आउने क्रममा सेलेना निजी कारणले चर्चामा थिइन् । नेपाल आउनुको एक महिनाअघि गायक जस्टिन बिबरसँग ब्रेकअप भएको थियो । पश्चिमा मिडियाले ब्रेकअपको पीडा भुलाउन नेपाल आएको बताएका थिए । निकै गुपचुपरुपले नेपाल आएकी सेलेनाले नेपालमा मिडियासँग भने बोलचाल गरिनन् ।

 

प्रतिक्रिया

Leave a Reply

Your email address will not be published.

सम्बन्धित खवर