कांग्रेस केन्द्रीय सदस्यमा दुई नेता निर्विरोध

काठमाडौं । नेपाली कांग्रेसको जारी महाधिवेशनअन्तर्गत केन्द्रीय सदस्यमा दुईजना निर्विरोध निर्वाचित भएका छन् ।

प्रदेश २ बाट खुला केन्द्रीय सदस्यमा आनन्दप्रसाद ढुंगाना र रमेश रिजाल निर्विरोध निर्वाचित भएका हुन् । यस प्रदेशमा आवश्यक दुई केन्द्रीय सदस्यमध्ये तीनजनाको उम्मेदवारी परेकोमा जंगीलाल रायले उम्मेदवारी फिर्ता लिएपछि रिजाल र ढुंगाना निर्विरोध भएका निर्वाचन समितिले जनाएको छ ।

आज ११ बजेसम्म उम्मेदवारी फिर्ताको समय छ । सवा १२ बजे अन्तिम नामावली प्रकाशन गरिनेछ । कांग्रेको नयाँ नेतृत्वका लागि सोमबार बिहान ८ बजेदेखि मतदान हुँदैछ ।